Loading...
You are here:  Home  >  Politics  >  Andhra Politics  >  Current Article

AP Govt is ready for swiss challenge

By   /  June 25, 2016  /  Comments Off on AP Govt is ready for swiss challenge

    Print       Email

chandrababuస్విస్ ఛాలెంజ్‌కు ఏపీ స‌ర్కార్ గ్రీన్ సిగ్న‌ల్‌

 

InCorpTaxAct
Suvidha

 

అంద‌రూ ఊహించిన‌ట్లుగానే ఏపీ స‌ర్కార్ స్విస్ ఛాలెంజ్ ప‌ద్ధ‌తికి ఆమోదం తెలిపింది. ప్ర‌జ‌లు.. ప్ర‌తిప‌క్షాలు స్విచ్ ఛాలెంజ్‌ను వ్య‌తిరేకిస్తున్నా చంద్ర‌బాబు మొండిగా ముందుకెళ్తున్నారు. స్విస్ ఛాలెంజ్ ప్ర‌కారం సింగపూర్ సంస్థలకు అమరావతిలో భూములు అప్పగించనున్నారు. రాజధాని అభివృద్ధి కోసం ఏర్పాటు చేసే కంపెనీలో సింగపూర్ సంస్థలకు 58 శాతం వాటా, ఏపీ సర్కారుకు 42 శాతం ఉంటుందని చంద్రబాబు ప్రకటించారు. సర్కారు కట్టేది రాజధాని మాత్రమేనని..మిగిలింది అంతా లే అవుట్ రెడీ చేస్తామని చెప్పారు. స్విస్ ఛాలెంజ్ పై కొంత మంది విమర్శలు చేస్తున్నారని…చాలా క్షుణ్ణంగా అన్ని అధ్యయనం చేశాక నిర్ణయం తీసుకున్నామని తెలిపారు. రాజధాని అభివృద్ధికి ముందుకొచ్చిన సంస్థలు అసెండాస్, సెంబ్ కార్ప్, సింగ్ బ్రిడ్జిల్లో సింగపూర్ ప్రభుత్వానికి 74 శాతంపైగా వాటా ఉందని..మిగిలిన వాటా ప్రజల చేతుల్లో ఉందని చంద్రబాబు వెల్లడించారు. అమరావతి డెవలప్ మెంట్ కన్షార్షియంకు 1691 ఎకరాలు అప్పగించనున్నట్లు తెలిపారు. 50 ఎకరాలు మాత్రం నామమాత్రపు ధరకు కేటాయిస్తున్నట్లు వెల్లడించారు. మన దేశంలో ఎన్టీపీసీ, ఓఎన్ జీసీ సంస్థలు ఎలాంటివో అసెండాస్ , సింగ్ బ్రిడ్జి సెంబ్ కార్ప్ సంస్థలు అటువంటివే అని తెలిపారు.
అమరావతిలో ఐకానిక్ బిల్డింగ్ కోసం 50 ఎకరాలు కేటాయిస్తున్నట్లు తెలిపారు. దీంతో పాటు మరికొన్ని సంస్థలకు కూడా భూములు కేటాయించారు. వీఐటీ విద్యాసంస్థకు 200 ఎకరాలు కేటాయించారు. ధర ఎకరానికి 50 లక్షలకే ఒప్పందం కుదుర్చుకున్నట్లు తెలిపారు. సెంట్రల్ ఇన్ స్టిట్యూట్ ఆఫ్ టూల్ డిజైన్ కు 5 ఎకరాలు, ఎన్ఐడీకి 50 ఎకరాలు ఏపీ హెచ్ఆర్‑డీఏకి 25 ఎకరాలు, టీటీడీకి 25 ఎకరాల భూమిని ఎకరానికి 50 లక్షలకే విక్రయిస్తున్నట్లుగా చంద్రబాబు పేర్కొన్నారు. మరికొన్ని కంపెనీలు కూడా పెట్టుబడులు పెట్టేందుకు సిద్ధంగా ఉన్నారని వాటిపై మరోసారి మంత్రివర్గంలో చర్చించి నిర్ణయం తీసుకుంటామన్నారు. కాగా స్విస్ ఛాలెంజ్ ప‌ద్ధ‌తితో మునుముందు ఎదురు కానున్న ప‌రిణామాల‌ను స‌ర్కార్ ఎలా ఎదుర్కొంటుందో చూడాలి.

InCorpTaxAct

If you like to publish news or your story on our website, please email to editor 'at' deccanabroad.com.


    Print       Email

You might also like...

Vanisri Birthday Special on SakshiTV : Aug 3rd 2:30 PM EDT

Read More →