ఫొటో గ్రాఫర్ పై అర్జున్ రాంపాల్ దాడి..?

బాలీవుడ్ యాక్టర్ అర్జున్ రాంపాల్ దాడి చేసిన విషయం ముమ్మరంగా ప్రచారం సాగుతోంది. ఈ ప్రచారంపై ఆయన స్పందించారు. తాను దాడి చేస్తున్నట్లుగా వస్తున్న వార్తలను ఆయన ఖండించారు.ఈ మేరకు ఓ ట్వీట్ చేశాడు. అర్జున్ రాంపాల్ డీజేగా ముంబైలోని షాంగ్రీ-లా హోటల్ నైట్ క్లబ్ లో వ్యవహరించాడు. ఆ సమయంలో రాంపాల్ ఫొటోలు తీసేందుకు ఓ ఫొటో గ్రాఫర్ ప్రయత్నించాడు. రాంపాల్ వద్దని ఎంతగా సూచించినా అతను వినిపించుకోలేదు.
దీంతో రెచ్చిపోయిన రాంపాల్ అతని చేతిలో నుంచి కెమెరాను లాక్కుని విసిరేశాడు. ఆ కెమెరాను క్లబ్ లోని వారు ఎవరో ఒకరు క్యాచ్ పట్టుకుంటారని రాంపాల్ భావించాడు. కానీ, అలా జరగలేదు. దీంతో, ఆ కెమెరా వెళ్లి షాబిత్ అనే వ్యక్తికి తగలింది.దీంతో అతని తలకు గాయమైంది. ఈ కారణంగా అతను పోలీసులకు కంప్లైంట్ చేశాడు. నైట్ క్లబ్ లోని సీసీ టీవీ కెమెరాను పోలీసులు పరిశీలించారు. ఈ నేపథ్యంలో రాంపాల్ ను విమర్శిస్తూ నెటిజన్లు మెసేజ్ లు, మీడియాలో వార్తలు హల్ చల్ చేయడం జరిగింది.