మలయాళం నటిపై లైంగిక దాడి చేసిన నిందితుడి అరెస్ట్..

మలయాళం నటి భావన కిడ్నాప్ కలకలం సృష్టించింది. ఆమెపై కొందరు దుండగులు లైంగిక దాడికి యత్నించిన విషయం తెలిసిందే. అయితే పరారైన నిందితుడు ఓ యువ హీరో నివాసంలో తలదాచుకున్నాడని వార్తలు వస్తున్నాయి. కొచ్చికక్కనాడ్ లోని ఓ ఇంట్లో నిందితుడు ఉన్నట్లుగా స్థానిక పోలీసులకు సమాచారం అందింది. దీంతో అతన్ని అదుపులోకి తీసుకున్నారు. ఆ నివాసం ఓ యువ హీరోకు చెందినదిగా పోలీసులు గుర్తించారు. దీంతో ఇప్పుడు ఆ నటుడిపై కూడా అనుమానాలు వ్యక్తం అవుతున్నాయి.

అసలు నిందితుడుకి అతను ఎందుకు ఆసరా ఇచ్చాడు అన్న కోణంలో పోలీసులు దర్యాప్తు చేపట్టారు. ఇదిలాఉండగా ప్రస్తుతం ఆమె నటిస్తున్న మూవీ యూనిట్ కి చెందిన ఓ సభ్యుడు హీరోయిన్ టూర్ వివరాలను నిందితుడుకి వెల్లడించాడట. దీంతో అతను ఎవరు అంశంపై కూడా పోలీసులు ఆరా తీస్తున్నారని సమాచారం.