Loading...
You are here:  Home  >  Politics  >  Andhra Politics  >  Current Article

ChandraBabu Naidu has no right to comment BJP: Krishnam Raju

By   /  April 13, 2018  /  Comments Off on ChandraBabu Naidu has no right to comment BJP: Krishnam Raju

    Print       Email

అమ‌రావ‌తి కాదు.. అది భ్ర‌మ‌రావ‌తి

InCorpTaxAct
Suvidha

 

 

 

 

 

* బీజేపీపై బాబు విమ‌ర్శ‌లు చేయ‌డం త‌గ‌దు

* బాబే న‌మ్మ‌క‌మైన భాగ‌స్వామిని కోల్పోయారు

* నిధులు ఇస్తున్నా ఖ‌ర్చు పెట్ట‌డం లేదు

* ఖ‌ర్చు చేసిన వాటికి లెక్క‌లు చెప్పాలి

* రెబ‌ల్ స్టార్ కృష్ణంరాజు

డెక్క‌న్ అబ్రాడ్‌:  ఆంధ్ర‌ప్ర‌దేశ్ ముఖ్య‌మంత్రి నారా చంద్ర‌బాబును విమ‌ర్శించే నాయ‌కులు బీజేపీలో రోజురోజుకు పెరుగుతున్నారు. ఇప్ప‌టి వ‌ర‌కు కేంద్ర నాయ‌కులు విమ‌ర్శ‌లు చేస్తుంటే రాష్ట్ర నాయ‌కులు కూడా వారికి తోడ‌య్యారు. తాజాగా బీజేపీ సీనియ‌ర్ నాయ‌కుడు రెబ‌ల్ స్టార్ కృష్ణంరాజు కూడా బాబుపై విమ‌ర్శ‌లు చేశారు. ఆంధ్ర‌ప్ర‌దేశ్‌కు భార‌తీయ జ‌న‌తా పార్టీ అన్యాయం చేసిందని చంద్ర‌బాబు దుష్ప్రచారం చేస్తున్నారని ఆగ్ర‌హం వ్య‌క్తం చేశారు. కర్ణాటక అసెంబ్లీ ఎన్నికల కోసం కాషాయ పార్టీ తరఫున ప్రచారం నిర్వహించడానికి బెంగళూరు వెళ్లిన ఆయన మీడియాతో మాట్లాడారు. ఆంధ్రాకు బీజేపీ అన్యాయం చేయలేదని చెప్పిన రెబల్ స్టార్.. ప్రత్యేక ప్యాకేజీ ద్వారా మేలు చేస్తోందని తెలిపారు. కేంద్ర మంత్రులు అనంత్ కుమార్, సదానంద గౌడ, కర్ణాటక బీజేపీ ఎన్నికల ఇన్‌చార్జి ప్రకాశ్ జవదేకర్‌లతో కలిసి ఆయన నిరాహార దీక్షలో పాల్గొన్నారు. కర్ణాటకలోని తెలుగు ప్రజలను ఉద్దేశించి కృష్ణం రాజు ప్రసంగించారు. బీజేపీకి మద్దతు తెలపాలని ఆయన తెలుగు సంఘాలను కోరారు. చంద్రబాబు స్వప్రయోజనాల కోసం నమ్మకమైన భాగస్వామిని కోల్పోయారని రెబల్ స్టార్ విమర్శించారు.

‘‘అమరావతి భ్రమరావతిగా తయారైంది. రాజధాని నిర్మాణానికి కేంద్రం రూ.2500 కోట్లు మంజూరు చేసింది. కానీ రాష్ట్ర ప్రభుత్వం మాత్రం తాత్కాలిక సెక్రటేరియట్, అసెంబ్లీ భవనాలను మాత్రమే నిర్మించింది. ఇది మినహా అక్కడేమీ అభివృద్ధి చేయలేదు. రాజధాని ప్రాంతంలో పట్టణాభివృద్ధి కోసం కేంద్రం వెయ్యి కోట్ల రూపాయలు ఇచ్చింది. ఆ నిధుల్లో 20 శాతం కూడా లక్ష్యం కోసం ఖర్చు పెట్టలేదు. 2010-15 మధ్య కేంద్రం ఆంధ్రప్రదేశ్‌కు రూ.1,17,967 కోట్ల నిధులు కేటాయించింది. కానీ 2015-20 మధ్య 2,44,271 కోట్ల నిధులు కేటాయించింది. అంటే ఇది 107 శాతం అధికం. రైల్వే ప్రాజెక్టులకు 2009-14 మధ్య రూ.5100 కోట్లు మంజూరు చేస్తే.. 2014-19 మధ్య రూ.14,151 కోట్లు మంజూరు చేస్తోంది. రూ.47,989 కోట్ల విలువైన కేంద్ర ప్రాజెక్టులు వివిధ దశల్లో ఉన్నాయి. 2015-20 మధ్య రెవెన్యూ లోటును పూడ్చడానికి కేంద్రం రూ.22,113 కోట్లు కేటాయించింది. కేంద్రం మెట్రో రైలు కోసం రూ.6,769 కోట్లు కేటాయిస్తే.. రాష్ట్రం మాత్రం దాన్ని వద్దని మోనోరైలు ప్రాజెక్ట్ కావాలంది. తీరా చూస్తే దాన్ని కూడా పక్కనబెట్టింది. ఇప్పటి వరకూ ప్రపంచంలో ఎక్కడాలేని హైపర్ లూప్ వెంటపడుతోంది. ఇప్పటికే మంజూరు చేసిన నిధుల్ని సద్వినియోగం చేసుకోవడంలో బాబు సర్కారు దారుణంగా విఫలమైంది.“ అని రెబ‌స్టార్ తీవ్ర స్థాయిలో విమ‌ర్శ‌లు చేశారు.

InCorpTaxAct

If you like to publish news or your story on our website, please email to editor 'at' deccanabroad.com.


    Print       Email

You might also like...

NATA Atlanta Summber Camp & Art Exhibition a grand success – 400 plus new life members to NATA Family

Read More →