సెట్స్ లో ఎన్టీఆర్ ని కలిసిన హరికృష్ణ..

జూనియర్ ఎన్టీఆర్ మూవీ శరవేగంగా షూటింగ్ జరుపుకుంటోంది. అయితే ఆ చిత్ర యూనిట్ కు సర్ ప్రైజ్ చేశారు ఓ ప్రముఖ వ్యక్తి. ఆయన మరెవరో కాదు.. జూనియర్ ఎన్టీఆర్ తండ్రి హరికృష్ణ. తనయుడు చిత్రం షూటింగ్ జరుపుకుంటున్న సెట్స్ దగ్గరకు ఆయన వెళ్లారు. ఆయన కేవలం ఎన్టీఆర్ ను కలిసేందుకే అక్కడకు వెళ్లారు. ఇక వీరిద్దరూ కలిసి ఉన్న ఫొటోను ఈ మూవీ పీఆర్వో మహేష్ ఎస్ కోనేరు సోషల్ మీడియాలో పోస్ట్ చేశారు.

ఇక ఎన్టీఆర్ నటిస్తున్న మూవీ టైటిల్ జై లవకుశ అని ప్రచారం సాగుతోంది. ఈ చిత్రం ఎన్టీఆర్ త్రి పాత్రాభినయం చేస్తున్నారు. ఈ సినిమాని కల్యాణ్ రామ్ నిర్మిస్తున్నారు. ఈ సినిమాని బాబీ దర్శకత్వం వహిస్తున్నారు. అయితే హరికృష్ణ రావడంతో ఇందులో ఆయన నటిస్తున్నారని ప్రచారం సాగింది. దీనిపై చిత్ర యూనిట్ స్పందించింది. హరికృష్ణ కేవలం ఎన్టీఆర్ ని కలిసేందుకు వచ్చారని తెలిపింది.