ప్రేమ మహిమ తెలిపేందుకు మాటలసలు ఉంటాయా..!?
పరిమళించు గులాబీకి హద్దులసలు ఉంటాయా..!?

మౌనంగా ప్రశ్నించే మనసు గొడవ మామూలా..!?
చిరునవ్వును నిలదీసే చూపులసలు ఉంటాయా..!?

పగలు రేయి కనుదోయికి తెలిసేనా విప్పకనే.!?
గుండెలయను అనువదించు భాషలసలు ఉంటాయా..!?

విరహమెలా చిత్రహింస అవుతుదో నేనెరుగను..!
చెలిమివీణ రాగాలకు స్వరములసలు ఉంటాయా..!?

కలతలేని కలహంసను ఖైదు ఎలా చేస్తావోయ్..!?
నిలువరించు మోహాలకు ముసుగులసలు ఉంటాయా..!?

ఓ నా ప్రియ మాధవుడా..ఎవరికెలా చెప్పాలిర..!?
పరవశించు ప్రణయాలకు..పరుగులసలు ఉంటాయా..!?

Author:  Madhav Rao Koruprolu