Loading...
You are here:  Home  >  Community News  >  Current Article

 I will meet Prime Minister  & Chief Election Commissioner regarding electoral reform – Says Anbumani.

By   /  June 6, 2016  /  Comments Off on  I will meet Prime Minister  & Chief Election Commissioner regarding electoral reform – Says Anbumani.

    Print       Email

dc-Cover-20160128062027.Mediதேர்தல் சீர்திருத்தம் செய்வது தொடர்பாக பிரதமர், தலைமை தேர்தல் கமிஷனரை சந்திப்பேன்: அன்புமணி ராமதாஸ் பேட்டி

பா.ம.க. இளைஞர் அணி தலைவர் டாக்டர் அன்புமணி ராமதாஸ் எம்.பி. சென்னையில் நிருபர்களுக்கு அளித்த பேட்டியில் கூறியதாவது:-

InCorpTaxAct
Suvidha

ஜனநாயக முறைப்படி நியாயமாகவும், நேர்மையாகவும் தேர்தல் நடக்கவேண்டும் என்பதற்காக தேர்தல் ஆணையத்துக்கு கூடுதல் அதிகாரம் கொடுக்கும் சட்ட திருத்தம், தேர்தல் சீர்திருத்தம் கொண்டுவர வலியுறுத்தும் வகையில் நீதி, சட்டம் மற்றும் பணியாளர் நலன் சார்ந்த பாராளுமன்ற நிலைக்குழுவை நாளை (செவ்வாய்க்கிழமை) டெல்லியில் சந்தித்து பேச உள்ளேன்.

இதைத்தொடர்ந்து பிரதமர் நரேந்திர மோடியையும், தலைமை தேர்தல் கமிஷனர் நசீம் ஜைதியையும் சந்திக்க உள்ளேன். இதுதொடர்பாக கட்சி தலைவர்கள், எம்.பி.க்களுக்கும் நான் கடிதம் எழுத உள்ளேன். தமிழகத்தில் தேர்தல் கேலி கூத்தாக உள்ளது. நடந்து முடிந்த சட்டமன்ற தேர்தலில் பணம் கொடுத்து அரசியல் கட்சிகள் வெற்றி பெற்றுவிட்டார்கள்.

இனி நடக்கும் தேர்தலாவது நேர்மையாகவும், நியாயமாகவும் நடக்கவேண்டும். பணம் கொடுக்கும் வேட்பாளர்களை தகுதி நீக்கம் செய்யவேண்டும், பணம் கொடுத்து வெற்றிப்பெற்றது நிரூபிக்கப்பட்டால் வெற்றி செல்லாது என்று அறிவிக்கவேண்டும். பணம் கொடுக்கும் கட்சியின் அங்கீகாரத்தையும் ரத்து செய்யவேண்டும்.

அரவக்குறிச்சி, தஞ்சை தொகுதிகளில் அ.தி.மு.க., தி.மு.க. வேட்பாளர்கள் வாக்காளர்களுக்கு பணம் கொடுத்ததை கையும், களவுமாக பிடித்தும் அவர்கள் மீது நடவடிக்கை எடுக்க தேர்தல் ஆணையத்துக்கு அதிகாரம் இல்லை. சட்டத்திருத்தம் மூலமாக தேர்தல் ஆணையத்துக்கு அந்த அதிகாரத்தை கொடுக்க வேண்டும்.

மின்னணு வாக்குப்பதிவு எந்திரங்களை செல்போன்கள் மூலமாக குளறுபடிகள் செய்வதற்கு வாய்ப்பு உள்ளது. இதற்கான செயல்விளக்கத்தையும் நாங்கள் பாராளுமன்ற நிலைக்குழுவுக்கு செய்து காண்பிக்க உள்ளோம். நடந்து முடிந்த சட்டசபை தேர்தலில் 92 லட்சம் பேர் அ.தி.மு.க-தி.மு.க.வுக்கு வாக்களிக்கவில்லை.

தேர்தல் தொடர்பான வழக்குகளை விசாரிக்க விரைவு நீதிமன்றம் அமைக்கவேண்டும். அரவக்குறிச்சி தொகுதி தி.மு.க. வேட்பாளர் வாக்காளர்களுக்கு பணம் கொடுத்தது தேர்தல் ஆணையத்தால் நிரூபிக்கப்பட்டுள்ளது. தி.மு.க. தலைவர் என்ற முறையில் அவர் மீது கருணாநிதி நடவடிக்கை எடுப்பாரா?.

உள்ளாட்சி தேர்தலிலும் பா.ம.க. தனித்து போட்டியிடும். தேர்தல் சீர்திருத்தங்கள் செய்த பின்னர்தான் தஞ்சாவூர், அரவக்குறிச்சி, திருப்பரங்குன்றம் ஆகிய தொகுதிகளில் தேர்தல் நடத்தவேண்டும். கல்வியை வணிகமாக செய்யக்கூடாது, நிர்ணயிக்கப்பட்ட கட்டணத்தை வாங்கவேண்டும் என்று சி.பி.எஸ்.இ. அனைத்து பள்ளிகளுக்கும் சுற்றறிக்கை அனுப்பியுள்ளது.

இதுபோல தமிழக அரசும் அனைத்து பள்ளிகளுக்கும் சுற்றறிக்கை அனுப்பவேண்டும். கட்டாய கல்வி சட்டத்தின் கீழ் 25 சதவீத இட ஒதுக்கீடு கொடுக்கப்பட்டது தொடர்பான விவரங்களை தங்களுடைய இணையதளங்களில் பள்ளிகள் வெளியிடவேண்டும்.

இவ்வாறு அவர் கூறினார்.

-அமுதவன்.

InCorpTaxAct

If you like to publish news or your story on our website, please email to editor 'at' deccanabroad.com.


    Print       Email

You might also like...

Vanisri Birthday Special on SakshiTV : Aug 3rd 2:30 PM EDT

Read More →