భారత్ – చైనా సఖ్యతగా ఉండాలి: దలైలామా

రెండు నెలలుగా భారత్-డోక్లాం మధ్య వివాదం రేగుతున్న విషయం తెలిసిందే. ఈ నేపథ్యంలో ప్రముఖ బౌద్ధమత గురువు దలైలామా కీలక వ్యాఖ్యలు చేశారు. ఇరు దేశాలు ఓ దేశాన్ని మరో దేశం ఓడించుకోలేవని అన్నారు. భారత్, చైనాలు పొరుగు దేశాలు కాబట్టి రెండూ కలిసిమెలిసి ఉండాలని అన్నారు. ‘హిందీ చీనీ భాయి భాయి’ ఉద్దేశం అదేనని చెప్పారు.

ఆయన ముంబైలో జరిగిన ఓ కార్యక్రమంలో ఈ మేరకు వ్యాఖ్యానించారు. ఇరు దేశాల మధ్య నెలకొన్న ఘర్షణలపై ఆయన స్పందించారు. ‘ప్రస్తుతం ఇరు దేశాల మధ్య నెలకొన్న సరిహద్దు ఉద్రిక్తతలు ఉన్నాయి. ఈ నేపథ్యంలో భారత్‌, చైనా.. ఒకదేశాన్ని ఇంకో దేశం ఓడించలేదు. ఎందుకంటే ఇరు దేశాలు సైనిక సంపత్తిలో చాలా శక్తిమంతమైనవి. అందువల్ల పొరుగుదేశాలు అయిన ఈ రెండు దేశాలు కలిసిమెలిసి ఉండాలి’ అని అన్నారు. ‘హిందీ, చీనీ భాయి భాయి’గా మళ్లీ ఇరు దేశాలు సఖ్యతగా ఉండాలి’ అని దలైలామా అభిప్రాయపడ్డారు.