నకిలీ నోట్ల నియంత్రణకు కేంద్రం వినూత్న ఆలోచన..

 
నకిలీ కరెన్సీని అరికట్టేందుకు పెద్ద నోట్లు రూ.2000, రూ.500ల భద్రతా ప్రమాణాలను మార్చాలని కేంద్ర ప్రభుత్వం ఆలోచిస్తోంది. ప్రతి నాలుగేళ్ళకోసారి ఈ మార్పులు చేయాలని భావిస్తోంది. ఈ మధ్యకాలంలో భారీగా నకిలీ కరెన్సీ పట్టుబడుతున్న నేపథ్యంలో ఈ చర్యలు తీసుకోవాలని భావిస్తోంది. అభివృద్ధి చెందిన దేశాలు ఇలా ప్రతి నాలుగేళ్ళకోసారి భద్రతా ప్రమాణాలను మారుస్తూ ఉంటాయి. భారత్ కూడా ఈ విధానాన్ని అవలంబించాని యోచిస్తోంది.

రీసెంట్ గా జరిగిన ఉన్నత స్థాయి సమావేశానికి కేంద్ర ఆర్థిక, హోం శాఖ సీనియర్‌ అధికారులు, కేంద్రహోం కార్యదర్శి రాజీవ్‌ మహర్షీ హాజరయ్యారు. ఈ భేటీలో నోట్ల భద్రతా ప్రమాణాలు మార్చే అంశం గురించి ప్రతిపాదనలు వచ్చాయి. నకిలీ నోట్లను అరికట్టాలంటే ఈ పద్ధతి మేలైనదని అధికారులు అభిప్రాయపడ్డారు. ఇక భారీగా పట్టుబడిన నకిలీ రెండు నోట్లు పాకిస్థాన్ లో ముద్రించినట్లుగా విచారణలో తేలింది. నకిలీ నోట్ల ముద్రణకు ఐఎస్ఐ సాయం చేస్తోంది. వీటిని పాక్ ముద్రించి బంగ్లాదేశ్ మీదుగా భారత్ లోకి ప్రవేశపెడుతోంది.