డ్రాగా ముగిసిన ప్రాక్టీస్ మ్యాచ్‌

భార‌త్‌.. వెస్టిండిస్ మ‌ధ్య జ‌రిగిన వామ‌ప్ మ్యాచ్ డ్రాగా ముగిసింది. వెస్టిండిస్ట్ వాళ్లు బ్యాటింగ్‌లో రాణిస్తే.. భార‌త్ బౌల‌ర్లు బౌలింగ్‌లో రాణించారు. నాలుగు టెస్టుల సిరీస్‌కు సన్నాహకంగా నిర్వహించిన ఈ వామప్‌ మ్యాచ్‌లో వెస్టిండీస్‌ లెవెన్‌ బ్యాట్స్‌మన్‌ షై హోప్‌ (118 నాటౌట్‌) అజేయ సెంచరీతో రాణించాడు. దీంతో మ్యాచ్‌కు ఆఖరి రోజైన ఆదివారం ఆట ముగిసే సమయానికి విండీస్‌ 87 ఓవర్లలో 7 వికెట్ల నష్టానికి 281 పరుగులు చేసింది. భారత లెగ్‌ స్పిన్నర్‌ అమిత మిశ్రా నాలుగు వికెట్లు పడగొట్టాడు. మిగతా భారత బౌలర్లలో భువనేశ్వర్‌ కుమార్‌, మహ్మద్‌ షమి, ఉమేష్‌ యాదవ్‌ తలో వికెట్‌ తీశారు. మిశ్రా విజృంభణతో.. ఓ దశలో విండీస్‌ లెవన్‌ 150 రన్స్‌కే సగం వికెట్లు కోల్పోయి కష్టాల్లో పడింది. మిశ్రా బౌలింగ్‌ను ఎదుర్కోవడానికి విండీస్‌ యువ బ్యాట్స్‌మెన్‌ తీవ్ర ఇబ్బంది పడ్డారు.

షమి, ఉమేష్‌ కూడా లైన్‌ అండ్‌ లెంగ్త్‌తో బౌలింగ్‌ చేశారు. ఈ దశలో హోప్‌-జోమెల్‌ వారికన్‌ (50 నాటౌట్‌) ఎనిమిదో వికెట్‌కు 104 పరుగుల అజేయ భాగస్వామ్యంతో ఆదుకున్నారు. అంతకుముందు భారత తొలి ఇన్నింగ్స్‌ను 258/6 స్కోరు వద్ద డిక్లేర్‌ చేసిన సంగతి తెలిసిందే. ఇక ఈ నెల 14-16 మధ్య ఇదే వేదికపై భారత-విండీ్‌స లెవన్‌ జట్ల మధ్య ఆఖరి, రెండో వామప్‌ మ్యాచ్‌ జరగనుంది. తర్వాత 21 నుంచి తొలి టెస్ట్‌ ప్రారంభం కానుంది.