ఘనంగా ఇంటర్నేషనల్ ఫ్లీట్ రివ్వ్యూ..

విశాఖ తీరంలో నిర్వహించిన ఇంటర్నేషనల్ ఫ్లీట్ రివ్వ్యూ ఘనంగా జరిగింది. భారత రాష్ట్రపతి ప్రణబ్ ముఖర్జీ 70 విదేశీ యుద్ధ నౌకల నుంచి గౌరవ వందనం స్వీకరించారు. ఈ సందర్భంగా ఆయన ఫ్లీట్ రివ్వ్యూను ప్రారంభించారు. అంతర్జాతీయ నౌకాదళ గౌరవవందనం స్వీకరించడం కొత్త అనుభూతిని ఇచ్చిందన్నారు. ఈ పరేడ్ ప్రపంచంతో స్నేహ హస్తానికి నిదర్శనమన్నారు. ఇంటర్నేషనల్ ఫ్లీట్ రివ్వ్యూ మంచి ఫలితాలు ఇచ్చిందని చెప్పారు.

సముద్ర తీర రక్షణలో ఈ రివ్వ్యూ ముందుడుగు అని భారత రాష్ట్రపతి అన్నారు. శాంతి సామరస్యాలు కాపడటంలో ఈ ప్రదర్శనలు గొప్ప బలాన్ని ఇస్తాయని చెప్పారు. సముద్రతలంపై శాంతి నెలకొల్పడానికి నేవీది కీలక పాత్ర అన్నారు. హిందూ మహా సముద్రంలో..ఇండియా నిర్వహిస్తున్న పాత్ర అత్యంత ప్రధానమైనదని ప్రణబ్ అన్నారు. సముద్రతలం రక్షణకు, వ్యాపార కార్యక్రమాలకి నేవీ అండగా ఉంటుందన్నారు. ఈ రివ్వ్యూకి సహకారం అందించిన విశాఖ వాసులకు ఆయన ధన్యవాదాలు తెలిపారు. ఇందులో రాష్ట్రపతి ప్రణబ్ తో పాటు.. ప్రధాని నరేంద్ర మోదీ, రక్షణ మంత్రి మనోహర్ పారికర్, గవర్నర్ నరసింహన్, ఏపీ సీఎం చంద్రబాబు, త్రివిధ దళాధిపతులు పాల్గొన్నారు.