బ్రిటన్ పార్లమెంటు దగ్గర ఉగ్రదాడి మా పనే.. ప్రకటించిన ఇస్లామిక్ స్టేట్..

బ్రిటన్‌ పార్లమెంటు బయట జరిగిన దాడి తామే చేశామంటూ ఐఎస్ఐఎస్ టెర్రరిస్టులు ప్రకటించారు. ఇస్లామిక్ స్టేట్ ఉగ్రసంస్థకు చెందిన ఓ వ్యక్తి ఈ దాడికి పాల్పడినట్లుగా అమక్ మీడియా అనే ఏజెన్సీ తెలిపింది.పార్లమెంటు సమీపంలోని స్థానికులు, భద్రతా సిబ్బందిని టార్గెట్ గా చేసుకొని ఈ దాడికి పాల్పడినట్లు ఓ ప్రకటనలో ఉగ్రవాద సంస్థ ప్రకటించింది. ఇదిలాఉంటే ఉగ్రదాడితో సంబంధం ఉన్నట్లు భావిస్తున్న 8 మంది అనుమానితులను పోలీసులు అరెస్ట్ చేశారు. వారిని పలు కోణాల్లో విచారిస్తున్నారు.

బ్రిటన్ పార్లమెంట్ సమీపంలో ఓ బ్రిడ్జ్ ఉంది. అక్కడ ఓ ఉగ్రవాది కారును వేగంగా అక్కడ నడుస్తున్న వారిపైకి పోనిచ్చాడు. దీంతోబ్రిడ్జిపై ఉన్న పాదచారులకు తీవ్ర గాయాలు అయ్యాయి. ఈ ఘటనలో ఓ వ్యక్తి మరణించాడు. ఇక కారులో ఉన్న ఉగ్రవాదిపైకి పోలీసులు తక్షణం కాల్పులు జరిపారు. దీంతో ఉగ్రవాది అక్కడికక్కడే మరణించాడని తెలుస్తోంది. ఈ ఘటనలో ఏకంగా 40 మందికి గాయాలు అయ్యాయి. దాడి సమయంలో బ్రిటన్ ప్రధాని థెరిసా మే సహా పలువురు ఎంపీలు పార్లమెంటులోనే ఉన్నారు. ఈ విషయం తెలుసుకున్న భద్రతా సిబ్బంది కాసేపు పార్లమెంటును మూసి వేశారు. ప్రధాని థెరిసా మే బాగానే ఉన్నారని అధికారులు వెల్లడించిన విషయం తెలిసిందే.