Loading...
You are here:  Home  >  Community News  >  Current Article

Jayalalitha was not interested in finding a real solution to the Fisherman’s problem: Says Dr. Ramadass

By   /  July 3, 2016  /  Comments Off on Jayalalitha was not interested in finding a real solution to the Fisherman’s problem: Says Dr. Ramadass

    Print       Email

ramadass-720x480-720x480தமிழக மீனவர்கள் கைது நடவடிக்கைக்கு நிரந்தர தீர்வு காணும்படி மத்திய அரசுக்கு அரசியல் ரீதியாக அழுத்தம் தர வேண்டும் என்று பாமக நிறுவனர் ராமதாஸ் கூறியுள்ளார்.

இது தொடர்பாக இன்று அவர் வெளியிட்ட அறிக்கையில், ”ராமேஸ்வரம் பகுதியிலிருந்து வங்கக்கடலில் மீன்பிடிக்கச் சென்ற தமிழக மீனவர்கள் 5 பேரை இலங்கைக் கடற்படையினர் கைது செய்துள்ளனர். அவர்கள் சென்ற படகுகளும் பறிமுதல் செய்யப்பட்டுள்ளன. தமிழக மீனவர்களுக்கு எதிரான இலங்கைப் படையினரின் இந்த அத்துமீறல் கண்டிக்கத்தக்கது ஆகும்.

InCorpTaxAct
Suvidha

வங்கக்கடலில் மீன் பிடிக்கச் செல்லும் தமிழக மீனவர்களை இலங்கைப் படையினர் அத்துமீறி கைது செய்வது அண்மைக்காலமாக அதிகரித்து வருகிறது. தமிழகத்தில் மீன்பிடித் தடைக் காலம் முடிந்து கடந்த மே 30 ஆம் தேதி மீனவர்கள் மீன்பிடிக்கச் சென்றனர். அதன்பின் மே 31 ஆம் தேதி தமிழக மீனவர்கள் 7 பேர் கைது செய்யப்பட்டனர். அதன்பின் இப்போது ஏழாவது முறையாக மீனவர்கள் கைது செய்யப்படுகின்றனர்.

கடந்த 34 நாட்களில் 34 மீனவர்கள் கைது செய்யப்பட்டிருக்கின்றனர். அனைத்து நிகழ்வுகளும் இந்திய கடல் எல்லைக்குட்பட்ட பகுதிகளில் தான் நடந்ததாக கூறப்படுகிறது. இன்றைய கைது நடவடிக்கை எங்கு நடந்தது என்பதில் முரண்பட்ட தகவல்கள் வெளியாகியுள்ளன.

கச்சத்தீவு பகுதியில் மீனவர்கள் கைது செய்யப்பட்டதாக அவர்களுடன் சென்றவர்கள் கூறுகின்றனர். ஆனால், நெடுந்தீவு பகுதியில் 5 மீனவர்களும் கைது செய்யப்பட்டதாக இலங்கைக் கடற்படை கூறுகிறது. ஒருவேளை கச்சத்தீவு பகுதியில் மீனவர்கள் கைது செய்யப்பட்டிருந்தால் அப்பகுதியிலிருந்த இந்திய கடலோரக் காவல்படையும், கடற்படையும் என்ன செய்து கொண்டிருந்தன? என்ற வினா எழுகிறது. ஆனால், அந்த வினாவுக்கு கடந்த 30 ஆண்டுகளாகவே விடை கிடைக்காதது துரதிருஷ்டவசமானது.

தமிழக மீனவர்கள் இலங்கைக் கடற்படையினரால் கைது செய்யப்படுவதும், 3 மாதங்கள் வரை சிறையில் அடைக்கப்படுவதும் வாடிக்கையான ஒன்றாகி விட்டது. அதுமட்டுமின்றி, கைது செய்யப்படும் மீனவர்களின் படகுகளை பறிமுதல் செய்யும் இலங்கை அரசு, அவற்றை திருப்பித் தர மறுக்கிறது. அந்த வகையில் இப்போது தமிழக மீனவர்களின் 95 படகுகள் இலங்கை அரசின் பிடியில் உள்ளன.

ஒரு படகின் மூலம் 10 மீனவக் குடும்பங்கள், அதாவது சுமார் 50 பேர் நேரடியாகவும், அதே அளவிலான மக்கள் மறைமுகமாகவும் வாழ்வாதாரம் பெறுகின்றனர். அந்த வகையில் இலங்கை அரசு 95 படகுகளை பறிமுதல் செய்து வைத்திருப்பதால் சுமார் 9500 பேரின் வாழ்வாதாரம் பறிக்கப்பட்டிருக்கிறது. அவற்றை விடுவிக்கும்படி மீனவ அமைப்புகளை பல முறை கோரிக்கை விடுத்தும், ஏராளமான போராட்டங்களை நடத்தியும் அசைந்து கொடுக்க இலங்கை அரசு மறுக்கிறது. இந்த விஷயத்தில் தமிழக மீனவர்களுக்கு ஆதரவாக, படகுகளை மீட்டுத் தர மத்திய, மாநில அரசுகள் எந்த நடவடிக்கையும் எடுக்கவில்லை.

2011 ஆம் ஆண்டில் தமிழக முதல்வராக பொறுப்பேற்ற ஜெயலலிதா, மீனவர் சிக்கல் குறித்து கடந்த 5 ஆண்டுகளில் பிரதமர் மன்மோகன்சிங்குக்கு 44 முறையும், பிரதமர் மோடிக்கு 35 முறையும் கடிதம் எழுதினார். 8 மாதங்கள் முதல்வராக இருந்த ஓ.பன்னீர்செல்வம் 13 முறை கடிதம் எழுதினார். 2016ஆம் ஆண்டில் மீண்டும் பதவியேற்ற பின் இதுவரை 6 முறை பிரதமருக்கு கடிதம் எழுதியுள்ளார். முதல்வராக இருந்த 15 ஆண்டுகளில் ஜெயலலிதா எத்தனை முறை பிரதமரை சந்தித்து கோரிக்கை மனு அளித்தாரோ, அத்தனை மனுக்களிலும் மீனவர் பிரச்சினைக்கு தீர்வு காண வேண்டும் என்ற கோரிக்கை இடம் பெற்றிருந்தது.

எனினும், இதுவரை மீனவர் பிரச்சினைக்கு தீர்வு காணப்படவில்லை. இதற்குக் காரணம் மீனவர் பிரச்சினைக்கு தீர்வு காண்பதில் ஜெயலலிதா உண்மையான அக்கறை காட்டவில்லை என்பது தான். பல விஷயங்களில் அதிமுகவின் ஆதரவு மத்திய அரசுக்கு தேவைப்படும் நிலையில், ஜெயலலிதா நினைத்திருந்தால் மத்திய அரசுக்கு கடும் நிபந்தனைகளை விதித்து இந்த பிரச்சினைக்கு தீர்வு கண்டிருக்கலாம். ஆனால், அவரது நோக்கம் அதுவல்ல என்பது தான் உண்மை.

மீனவர்கள் பிரச்சினை நாளுக்கு நாள் தீவிரடைந்து வரும் நிலையில் மத்திய அரசுக்கு கடிதம் மட்டும் எழுதுவதால் எந்த பயனும் ஏற்படப்போவதில்லை. இந்த பிரச்சினைக்கு நிரந்தர தீர்வு காணும்படி மத்திய அரசுக்கு அரசியல் ரீதியாக அழுத்தம் தர வேண்டும்.

மத்திய அரசும் இதை தமிழக மீனவர்கள் பிரச்சினை என்று கருதி அலட்சியம் காட்டாமல் இந்திய மீனவர் பிரச்சினையாக கருதி தீர்வு காணவும், மீனவர்கள் அச்சமின்றி வங்கக்கடலில் மீன் பிடிப்பதை உறுதி செய்யவும் நடவடிக்கை எடுக்கவேண்டும்.

அதற்கு முன்பாக இலங்கை சிறைகளில் வாடும் தமிழக மீனவர்கள் 34 பேரை விடுதலை செய்யவும், மீனவர்களுக்கு சொந்தமான 95 படகுகளை விடுவிக்கவும் அவசரகால நடவடிக்கை எடுக்கவேண்டும்” என்று ராமதாஸ் கூறியுள்ளார்.

-அமுதவன்.

InCorpTaxAct

If you like to publish news or your story on our website, please email to editor 'at' deccanabroad.com.


    Print       Email

You might also like...

Vanisri Birthday Special on SakshiTV : Aug 3rd 2:30 PM EDT

Read More →