తమిళనాట పన్నీరు అభిమానులు, మద్దతు దారుల ఆందోళనలు..

 
తమినాడు పోలీసులకు మాజీ సీఎం పన్నీర్‌ సెల్వం ఓ లేఖ రాశారు. ఎడప్పాడి పళనిస్వామి ప్రభుత్వానికి వ్యతిరేకంగా తాము శాంతియుత ప్రదర్శనకులకు పిలుపునిచ్చామని అందులో పేర్కొన్నారు. శాంతియుతంగా ఆందోళన చేస్తున్న జయ లలిత మద్దతుదారులను అరెస్టులు చేయవద్దని అందులో పేర్కొన్నారు. పళనీ స్వామి ప్రభుత్వం ప్రజా వ్యతిరేక ప్రభుత్వమని అన్నారు. ఈ ప్రభుత్వంలో అందరూ శశికళ మద్దతుదారులు మాత్రమే ఉన్నారని అన్నారు. అంతేతప్ప జయ లలిత అనుచరులు ఎవరూ లేరని పేర్కొన్నారు.

ఈ ప్రభుత్వంపై తాము ధర్మయుద్ధం చేస్తామని చెప్పారు. ఈ మేరకు ఆయన గురువారం రాత్రి జయ లలిత సమాధి దగ్గర శపధం చేసిన విషయం తెలిసిందే. శాసన సభలో బలపరీక్ష సందర్భంగా ఎమ్మెల్యేలు ప్రజల ఆకాంక్షకు అనుగుణంగా ఓటు వేయాలని ఆయన కోరుతున్నారు. ఈ మేరకు వారిపై ఒత్తిడి తేవాలని ప్రజలకు సూచించారు. దీనికోసం ఆయన రాష్ట్ర వ్యాప్తంగా ధర్నాలు, ర్యాలీలకు పిలుపునిచ్చారు. ఇక ఆయన పిలుపు మేరకు పన్నీరు అభిమానులు, మద్దతు దారులు రోడ్లపైకి వచ్చి ఆందోళనలు చేపట్టారు.