గిన్నీస్ రికార్డ్స్ లోకి ఎక్కిన మోదీ సూటు..!

అమెరికా అధ్యక్షుడు బరాక్ ఒబామా భారత్ వచ్చిన విషయం అందరికి తెలిసిందే. ఆ సమయంలో మోదీ ధరించిన సూట్ గుర్తుంది కదూ. అప్పట్లో అత్యంత ఖరీదైన సూట్ ధరించడంతో మోదీని విపక్షాలు కూడా టార్గెట్ చేశాయి. సూటూ బూటూ ప్రభుత్వం అంటూ ఎద్దేవ చేశాయి. ఇప్పుడు ఆ సూటు ఏకంగా గిన్నీస్ రికార్డ్స్ లోకి ఎక్కింది.

వేలంలో అధిక ధర పలికిన సూటుగా ఈ రికార్డును మోదీ సూట్ సొంతం చేసుకుంది. 2015 ఫిబ్రవరి 20న దీన్ని వేలానికి ఉంచారు. దీన్ని గుజరాత్‌కు చెందిన వజ్రాల వ్యాపారి, ప్రైవేట్ ఎయిర్‌లైన్ యజమాని అయిన లాల్జీభాయ్ పటేల్ అత్యధిక బిడ్ వేసి సొంతం చేసుకున్నారు. ఈ సూటు రూ.4.31 కోట్ల మేర ధర పలికింది. బేస్ ప్రైజ్ 11 లక్షలు మాత్రమే. అయితే అత్యధిక బిడ్ వేసి దాన్ని ఆయన సొంతం చేసుకున్నారు. వేలంలో మోదీ సూటు ధర రూ.5 కోట్లు దాటినా కూడా దక్కించుకోవాలని ముందే డిసైడ్ అయినట్టు లాల్టీభాయ్ చెప్పారు.