పెళ్ళి పీఠలెక్కనున్న ప్రీతి జింటా..?

సొట్ట బుగ్గల సుందరి పెళ్ళి కూతురు కాబోతోంది. ఈ బాలీవుడ్ ముద్దుగుమ్మ త్వరలో పెళ్ళిపీఠలెక్కనుంది. ఇంతకీ ఎవరితో అనేగా మీ అనుమానం. ఆ అదృష్టవంతుడు మరోవరో కాదు అమెరికాకు చెందిన ఫైనాన్షియల్ ఎనలిస్ట్ జీన్ గుడ్ ఇనో. గత కొంతకాలంగా ప్రీతి ఈయన గారి ప్రేమలో మునిగి తేలుతోంది. గతంలో కూడా వీరి పెళ్ళిపై ప్రచారం జరిగింది. అయితే అవన్నీ ఒట్టి పుకార్లే అంటూ కొట్టిపారేసింది. తాజాగా వీరిద్దరూ ఫిబ్రవరి 12న ఓ ఇంటివారు కాబోతున్నట్లు బాలీవుడ్ వర్గాల సమాచారం. 12 నుంచి 16 వరకు.. అంటే ఐదు రోజుల పాటు లాస్‌ఏంజెల్స్‌లో వీరి వివాహ వేడుకలు ఘనంగా జరగనున్నట్లు తెలుస్తోంది. అయితే.. ఇప్పుడు కూడా ప్రీతి ఈ విషయంపై ఎటువంటి ప్రకటన చేయలేదు. ఇప్పటీకి మీడియాకి దూరంగానే ఉండటం గమనార్హం.