పూరి కంట్లో పడిన సురభి

‘రోగ్’ సినిమాని డైరెక్ట్ చేస్తున్న పూరి జగన్నాథ్ ఎలాగైనా హిట్ కొట్టాలనే కసితో పనిచేస్తున్నాడు. అలాగే నందమూరి అందగాళ్లతో తర్వాత సినిమాలు చేసేందుకు రెడీ అయిపోతున్నాడు. కళ్యాణ్ రామ్ తో తెరకెక్కించనున్న మూవీకి ‘రీమిక్స్’ అని టైటిల్ పెట్టబోతున్నారని టాలీవుడ్ టాక్. ఈ మూవీలో హీరోయిన్ గా ‘ఎక్స్ ప్రెస్ రాజా’ సినిమాలో నటించిన సురభిని తీసుకునే ఆలోచనలో ఉన్నట్లు ప్రచారం జరుగు తోంది. ఈ ముద్దుగుమ్మ రఘువరన్ బీటెక్ సినిమాతో టాలీవుడ్ కు పరిచయం అయింది. అంతేకాదు.. సందీప్ కిషన్ నటించిన ‘బీరువా’ మూవీతో నేరుగా తెలుగు సినిమాలో కనిపించింది. ఆ సినిమా మాట ఎలా ఉన్నా కాని.. రీసెంట్ గా రిలీజ్ అయిన ‘ఎక్స్ ప్రెస్ రాజా’తో ఈ అమ్మడు మంచి హిట్ అందుకుంది. శర్వానంద్ – సురభి కాంబినేషన్ తెరపై చూడచక్కగా ఉందని ఓ టాక్ కూడా వచ్చింది. ప్రస్తుతం ఈ అందాల తార పూరి కంట్లో పడింది. అందుకే తను కళ్యాణ్ రామ్ హీరోగా తీస్తున్న మూవీలో హీరోయిన్ గా సెలక్ట్ చేయాలని భావిస్తున్నారని సమాచారం. ప్రెజెంట్ ఈ సినిమాకి సంబంధించిన స్టోరీ డిస్కషన్ లో ఉందని తెలుస్తోంది. త్వరలో పూర్తి డీటెయిల్స్ వెల్లడిస్తారని సమాచారం.