Loading...
You are here:  Home  >  Daily News  >  Current Article

Sania Mirza advances at Miami opens

By   /  March 27, 2017  /  Comments Off on Sania Mirza advances at Miami opens

    Print       Email

sania-mirza-noமியாமி டென்னிஸ் போட்டியில் இந்திய வீராங்கனை சானியா மிர்சா ஜோடி முதல் சுற்றில் வெற்றி .

 

InCorpTaxAct
Suvidha

 

மியாமி ஓபன் சர்வதேச டென்னிஸ் போட்டி அமெரிக்காவில் நடந்து வருகிறது. ஆண்கள் ஒற்றையர் பிரிவில், நேற்று நடந்த 2-வது சுற்று ஆட்டம் ஒன்றில் 2 முறை சாம்பியனான ரோஜர் பெடரர் (சுவிட்சர்லாந்து) 7-6 (2), 6-3 என்ற நேர் செட்டில் பிரான்செஸ் டியாபோவை (அமெரிக்கா) தோற்கடித்தார். காயத்தில் இருந்து மீண்ட பிறகு தொடர்ந்து ஆதிக்கம் செலுத்தி வரும் பெடரர் இந்த ஆண்டில் 15 ஆட்டங்களில் விளையாடி அதில் 14-ல் வெற்றி பெற்றிருப்பது குறிப்பிடத்தக்கது. பெடரர் 3-வது சுற்றில் அபாயகரமான வீரர்களில் ஒருவரான அர்ஜென்டினாவின் ஜூவான் மார்ட்டின் டெல் போட்ரோவை சந்திக்கிறார்.

மற்றொரு சுவிட்சர்லாந்து வீரர் வாவ்ரிங்கா 6-3, 6-4 என்ற நேர் செட்டில் ஹோராசியா ஜிபல்லோசை (அர்ஜென்டினா) விரட்டினார். ஜான் இஸ்னர் (அமெரிக்கா), நிக் கைர்ஜியோஸ் (ஆஸ்திரேலியா), தாமஸ் பெர்டிச் (செக்குடியரசு), சாம் குயரி (அமெரிக்கா), டேவிட் கோபின் (பெல்ஜியம்), பாவ்டிஸ்டா அகுத் (ஸ்பெயின்) உள்ளிட்டோரும் தங்களது 2-வது சுற்றில் வெற்றி கண்டனர்.

இதற்கிடையே 3-வது சுற்றில் ஆட இருந்த கனடாவின் நட்சத்திர வீரர் மிலோஸ் ராவ்னிக் தசைப்பிடிப்பு காரணமாக போட்டியில் இருந்து விலகியுள்ளார்.

பெண்கள் ஒற்றையர் 3-வது சுற்று ஆட்டம் ஒன்றில் முன்னாள் பிரெஞ்ச் ஓபன் சாம்பியனும், தரவரிசையில் 6-வது இடம் வகிப்பவருமான கார்பின் முகுருஜா (ஸ்பெயின்), சீனாவின் ஷூய் ஜாங்கை எதிர்கொண்டார். 2 மணி 4 நிமிடங்கள் போராடிய முகுருஜா 4-6, 6-2, 6-2 என்ற செட் கணக்கில் வெற்றி பெற்று 4-வது சுற்றை எட்டினார். இன்னொரு ஆட்டத்தில் முன்னாள் நம்பர் ஒன் வீராங்கனை கரோலினா வோஸ்னியாக்கி (டென்மார்க்) 6-4, 6-2 என்ற நேர் செட்டில் சோரனா கிர்ஸ்டியாவை (ருமேனியா) வீழ்த்தினார். 4-வது சுற்றில் முகுருஜா- வோஸ்னியாக்கி பலப்பரீட்சையில் இறங்குகிறார்கள்.

குரோஷியாவின் மிர்ஜனா லூசிச் பரோனி, தன்னை எதிர்த்து மல்லுகட்டிய 8-ம் நிலை வீராங்கனை போலந்தின் அக்னீஸ்கா ராட்வன்ஸ்காவுக்கு 6-0, 6-3 என்ற நேர் செட்டில் அதிர்ச்சி அளித்தார். கரோலினா பிளிஸ்கோவா (செக்குடியரசு), சிபுல்கோவா (சுலோவக்கியா), பெதானி மாடக் சான்ட்ஸ் (அமெரிக்கா), லூசி சபரோவா (செக்குடியரசு) ஆகியோரும் 4-வது சுற்றுக்கு தகுதி பெற்றனர்.

இதன் இரட்டையர் முதலாவது சுற்றில் இந்தியாவின் சானியா மிர்சா, செக்குடியரசின் பார்போரா ஸ்டிரிகோவா ஜோடி 6-3, 7-6 (7-3) என்ற நேர் செட்டில் டெமி ஸ்கர்ஸ் (நெதர்லாந்து)- ரெனட்டா வோரகோவா (செக்குடியரசு) இணையை சாய்த்து 2-வது சுற்றுக்கு முன்னேறியது. சானியா ஜோடிக்கு வெற்றியை உறுதி செய்ய 1 மணி 21 நிமிடங்கள் தேவைப்பட்டது. சானியா கூட்டணி அடுத்து டைமியா பாபோஸ் (ஹங்கேரி)- அனஸ்டசியா பாப்லிசென்கோவா (ரஷியா) ஜோடியுடன் மோத இருக்கிறது.

InCorpTaxAct

If you like to publish news or your story on our website, please email to editor 'at' deccanabroad.com.


    Print       Email

You might also like...

Vanisri Birthday Special on SakshiTV : Aug 3rd 2:30 PM EDT

Read More →