‘సర్దార్‌’ ఫొటో నెట్ లో హల్ చల్..

‘అత్తారింటికి దారేది’ సినిమాని అభిమానులు ఎప్పటికీ మర్చిపోలేరు.దీనికో కారణం ఉంది. రిలీజ్ కు ముందు గంటన్నర మూవీ లీక్ కావడంతో నిర్మాత కష్టాల్లో పడ్డారు. చివరకు ఈ వివాదం అభిమానులు, పోలీసుల చొరవతో సద్దుమణిగింది. లేకపోతే కోట్ల రూపాయలు నష్టం వచ్చేదే. అలాగే తాజాగా ‘సర్దార్‌’కి సంబంధించి ఓ ఇమేజ్ ఇంటర్నెట్ లోకి వచ్చింది. ఆ ఫొటో ఎడిటింగ్ జరిగేప్పుడు తీసిందని అర్ధమవుతోంది. ఇప్పటికైతే వచ్చిన ముప్పేమీ లేదు. అయితే ‘సర్దార్‌’ విషయంలో ఎలాంటి తప్పిదం జరుగకూడదని మూవీ యూనిట్ కొన్ని జాగ్రత్తలు తీసుకుంటున్నారట. దీంతోపాటు పవన్ ఈ సినిమాలో చిరు వీణ స్టెప్ వేశారని ప్రస్తుతం జోరుగా ప్రచారం జరుగుతోంది. ‘గబ్బర్‌సింగ్’ సినిమాలో అంత్యాక్షరి లానే ‘సర్దార్‌’లో డాన్స్ స్టెప్స్‌తో ఓ కామెడీ సన్నివేశాన్ని తెరకెక్కించారట. ఇందులో భాగంగానే పవన్ వీణ స్టెప్ వేశారని ప్రచారం జరుగుతోంది. అయితే సినిమా విడుదలైన తర్వాతే ఇందులో నిజమెంతన్నది తెలిసేది.