Loading...
You are here:  Home  >  Business News  >  Current Article

Stalin’s greetings to the Indian players participating in the Olympics

By   /  August 5, 2016  /  Comments Off on Stalin’s greetings to the Indian players participating in the Olympics

    Print       Email

ஒலிம்பிக்கில் பங்கேற்கும் இந்திய வீரர்- வீராங்கனைகளுக்கு மு.க.ஸ்டாலின் வாழ்த்துMK-Stalin

மிழக சட்டமன்ற எதிர்க்கட்சி தலைவரும், தி.மு.க. பொருளாளருமான மு.க.ஸ்டாலின் நேற்று வெளியிட்ட வாழ்த்து செய்தியில் கூறியிருப்பதாவது:-

InCorpTaxAct
Suvidha

பிரேசில் நாட்டில் உள்ள ரியோ டி ஜெனீரோ நகரில் நாளை(இன்று) முதல் 21-ம் தேதி வரை நடைபெறவிருக்கும் ஒலிம்பிக் விளையாட்டு போட்டிகளில் பங்கேற்க இந்தியாவின் சார்பில் 121 வீரர்கள், வீராங்கனைகள் கலந்து கொள்கிறார்கள் என்ற செய்தி கேட்டு மகிழ்ச்சியுற்றேன். அவர்களில் தமிழகத்திலிருந்து இந்தியாவின் பெருமையை நிலைநாட்ட பல்வேறு விளையாட்டுப் போட்டிகளில் 6 வீரர்கள் கலந்து கொள்கிறார்கள் என்ற செய்தியால் மட்டற்ற மகிழ்ச்சியடைந்தேன்.

குறிப்பாக முதல் முறையாக இந்தியாவிலிருந்து நூற்றுக்கும் மேற்பட்ட வீரர்கள் ஒலிம்பிக் விளையாட்டுப் போட்டியில் கலந்து கொள்வது நம் நாட்டிற்கு கிடைத்த பெரும் பேறாகக் கருதுகிறேன்.

தமிழக வீரர்கள் என்று எடுத்துக் கொண்டால் ஆடவர் பிரிவில் தொடர் ஓட்டத்தில் கலந்து கொள்ளும் திருச்சி மாவட்டம் லால்குடியைச் சேர்ந்த ஆரோக்கிய ராஜீவ், திருப்பூர் மாவட்டம் அவிநாசி அருகே உள்ள ராவுத்தம்பாளையம் கிராமத்தைச் சேர்ந்த தருண் அய்யாசாமி, சென்னை அம்பத்தூரில் உள்ள மங்களாபுரம் பகுதியைச் சேர்ந்த 19 வயது நிரம்பிய மோகன்குமார் ஆகியோர் கலந்து கொள்கின்றனர்.

அதே போல் 2014-ம் ஆண்டு ஸ்காட்லாந்தில் நடைபெற்ற காமன்வெல்த் போட்டியில் தங்கம் பதக்கம் வென்ற வேலூர் மாவட்டம் சத்துவாச்சாரியைச் சேர்ந்த சதீஷ்குமார் சிவலிங்கம் இம்முறை ஆடவருக்கான 77 கிலோ பளுதூக்குதல் பிரிவில் பங்கேற்கிறார்.

20 கிலோ மீட்டர் வேகநடை போட்டியில் கிருஷ்ணகிரி மாவட்டம் வேப்பனஹள்ளியை சேர்ந்த ராணுவ வீரர் கணபதி கலந்து கொள்கிறார். டேபிள் டென்னிஸ் போட்டியில் சென்னையைச் சேர்ந்த சரத் கமல் பங்கேற்கிறார்.

இம்முறை இந்திய அணிக்காக பிரேசில் நாட்டில் நடைபெறும் ஒலிம்பிக் போட்டியில் பல்வேறு பிரிவுகளில் தமிழகத்தைச் சேர்ந்த வீரர்கள் பங்கேற்பது தமிழகத்திற்கு மட்டுமின்றி, இந்தியாவிற்கும் பெருமை சேர்க்கும் வகையில் அமைந்திருக்கிறது. ஒலிம்பிக் போட்டிகளில் பங்கேற்கும் இந்திய வீரர்களும், அதில் பங்கேற்றுள்ள தமிழக வீரர்களும் அமோக வெற்றி பெற்று தங்கப் பதக்கங்களுடன் திரும்ப வேண்டும் என்று மனப்பூர்வமாக வாழ்த்துகிறேன்.

இளைஞர்களின் விளையாட்டுத் திறனை வெளிப்படுத்தும் இது போன்ற சர்வதேச அளவிலான போட்டிகளில் தமிழக வீரர்கள் மேலும் அதிகமான எண்ணிக்கையில் பங்கேற்பதற்கும், அதற்குரிய பயிற்சிகளை அளிப்பதற்கும் இனி வரும் காலங்களில் தமிழக அரசு தீவிர நடவடிக்கை எடுக்க வேண்டும் என்றும் கேட்டுக் கொள்கிறேன்.

இவ்வாறு மு.க.ஸ்டாலின் கூறியுள்ளார்.

-அமுதவன்.

InCorpTaxAct

If you like to publish news or your story on our website, please email to editor 'at' deccanabroad.com.


    Print       Email

You might also like...

Vanisri Birthday Special on SakshiTV : Aug 3rd 2:30 PM EDT

Read More →