వర్మ పేరు ఎత్తకుంతా సన్ని లియోన్ వీడియో మెసేజ్..

వివాదాలకు మారు పేరు రామ్ గోపాల్ వర్మ. ఆయన మహిళ దినోత్సవం రోజున చేసిన వివాదాస్పద ట్వీట్ ఆయనకు తలనొప్పి తెచ్చిపెట్టింది.’ప్రపంచంలోని మహిళలు అందరూ సన్నిలియోన్ వలె మగాళ్లందరికి ఆనందం పంచాలి’ అంటూ ఆర్జీవీ ట్వీట్ చేశారు. దీంతో మహిళ సంఘాలు తీవ్ర ఆగ్రహం వ్యక్తం చేశాయి. ముంబైలో రామ్ గోపాల్ వర్మను పనిచేయనిచ్చేది లేదని ఆగ్రహం వ్యక్తం చేశాయి. ఇక గోవా పీఎస్ లో ఆయనపై ఓ కేసు కూడా నమోదు అయింది.

దీంతో రామ్ గోపాల్ వర్మ భయపడ్డారో ఏమోగాని కాస్తంత దిగొచ్చారు. కొన్ని కండీషన్ల మీద సన్నిలియోన్ కు సారీ చెప్పేశారు. ఈ అంశంపై సన్నిలియోన్ స్పందించింది.ఆమె వర్మ పేరు ఎత్తకుండానే ఓ వీడియో మెసేస్ రిలీజ్ చేశారు.’ప్రెజెంట్ వస్తున్న అన్ని వార్తలను గమనిస్తున్నాను. మాట మీద నిలబడినప్పుడే మార్పువస్తుందని నేను నమ్ముతాను. కాబట్టి మాట్లాడేటప్పుడు చాలా జాగ్రత్తగా ఉండాలి’ అంటూ వీడియో మెసేజ్ ను రిలీజ్ చేశారు.