తెలంగాణకు కేసీఆరే బాహుబలి: ఎంపీ కవిత

కాంగ్రెస్ పార్టీ విజయం సాధించాలంటే బాహుబలి అవసరం అవుతారేమోనని ఎంపీ కవిత అన్నారు. కాని తమ పార్టీకి, తెలంగాణకు మాత్రం కేసీఆరే బాహుబలి అని అన్నారు. ఎప్పుడో రాబోయే బాహుబలి కోసం కాంగ్రెస్ పార్టీ ఎదురుచూపులు చూస్తోందని అన్నారు. కాని తమ దగ్గర బాహుబలి ఎప్పటినుంచో ఉన్నారని అన్నారు.పరోక్షంగా కవిత జానారెడ్డిపై సెటైర్లు వేశారు.

టీఆర్ఎస్ ను ఓడించేందుకు తెలంగాణలో ఓ బాహుబలి వస్తారేమోనని కాంగ్రెస్ నేత జానారెడ్డి అన్నారు. ఇక ఈ అంశంపై ఆ పార్టీ నేత కోమటిరెడ్డ వెంకటరెడ్డి స్పందించారు. తమ బాహుబలి జానారెడ్డి అని అన్నారు. ప్రస్తుతం ప్రజలకు బాహుబలి మేనియాలో ఉన్నారని అన్నారు. అందుకే జానారెడ్డి అలా వ్యాఖ్యానించి ఉంటారని కూడా అన్నారు. ఆ వచ్చే బాహుబలి జానారెడ్డే కావచ్చన్నారు. లేక మరెవరైనా కావచ్చని అన్నారు. కాంగ్రెస్ వ్యాఖ్యలపై ఎంపీ కవిత సెటైర్లు వేశారు.