చిరుగాలుల సవ్వడిలో దాచినావ నీ పిలుపులు..!
మరుమల్లెల పరిమళముల నింపినావ నీ ఊసులు..!
సిగ్గులన్ని నీ కొరకే ప్రేమలేఖ లైనాయిర..!
నీలికురుల నీడలలో నిలిపినావ నీ తలపులు..!
నుదుటనున్న సిందూరం చూస్తున్నది నీ సన్నిధి..!
మది పెదవుల చిత్రసీమ చెక్కినావ నీ నగవులు..!
మరువలేని మరులెన్నో ఊరించిన మన్మథుడా..!
కలల ఊట దారిలోన ఒలికినావ నీ మధువులు..!
ఎదలోపలి అలజడులకు జవాబేదొ ఇస్తివిలే..!
లాలించే మౌనసుధల పొదిగినావ నీ పలుకులు..!
నా నేనుల తోటంతా నీదేరా ప్రియ సఖుడా..!
అరకన్నుల వీధులలో కురిసినావ నీ వెలుగులు..!
Author:
Madhav Rao Koruprolu
If you like to publish news or your story on our website, please email to editor 'at' deccanabroad.com.
