నీ కొరకై చూసి చూసి నిదుర ఇగిరి పోయిందిర..!
వస్తావను ఆశ మటుకు మదిని మిగిలి పోయిందిర..!
కాలంతో పనేముంది నువు ప్రక్కన లేనప్పుడు..!
వెక్కిరించు వెన్నెలయే వేదన పడి పోయిందిర..!
తరుముతున్న చీకట్లను శ్వాసలోన దాచేసా..!
కలతపడే మనసేమో విసుగు మరచి పోయిందిర..!
నా ఆకలి నన్ను వదిలి ఎంత కాల మయ్యిందో..!?
అసలు ప్రేమ మహిమ కాస్త తెలిసి పోయిందిర..!
దాహానికి విరహానికి అగ్ని సాక్షి మన ప్రేమే..!
చెలిమి వీణ మీటాలని గాలి వేగి పోయిందిర..!
కోటి ఇంద్ర ధనువులతో వెలుగుతున్న తలపు చూడు..!
గుండెలయల గూట చేరి దిగులు మండి పోయిందిర..!
నా భావన సవరించే మాధవుడవు నీవేగా..!
ఈ సంగతి తోచగనే బెంగ ఎగిరి పోయిందిర..!
Author:
Madhav Rao Koruprolu
If you like to publish news or your story on our website, please email to editor 'at' deccanabroad.com.
