దూకుతున్న చినుకమ్మా కాస్త తడిపి వెళ్ళమ్మా..!
నవ్వుతున్న పువ్వమ్మా పరిమళించి వెళ్ళమ్మా..!
స్వప్నాలను పాలిస్తూ మబ్బలలో తేల్చేవే..!
ఎద మీటే స్వరధారా మనసు నిలిపి వెళ్ళమ్మా..!
కంటినుండి జారువేళ ఎందుకుప్పగుంటావో..!?
కడలిగుండె పొంగమ్మా కరువు తీర్చి వెళ్ళమ్మా..!
మట్టిపాట పరువాలకు రంగులెన్ని నింపేవో..!?
ఉట్టి మీది పాలతోడు సరిగ కలిపి వెళ్ళమ్మా..!
కురుల చాటు నిదురోయే మబ్బుకేమి తెలియదులే..!
మెరుపువీణ శృతి చేస్తూ వలపు మీటి వెళ్ళమ్మా..!
నను వీడని మాధవునకు వీడుకోలు చెప్పనీకు..!
మరులురేపు తలపువనికి తాళమేసి వెళ్ళమ్మా..!
Author:
Madhav Rao Koruprolu
If you like to publish news or your story on our website, please email to editor 'at' deccanabroad.com.
