ఎదురుచూపు బహుమతిగా మిగులరాదు..కలనైనా..!
ప్రేమే ఒక శాపముగా మారరాదు..కలనైనా..!
కల కానిది ఏమున్నది జీవితాన ఓ చెలియా..!
మనసిచ్చుట నేరముగా తోచరాదు..కలనైనా..!
మాట ఇచ్చి రావైతివి..అలుసైతినె విరహానికి..!
వెన్నెలయే విషములాగ కురవరాదు..కలనైనా..!
అందమైన పరిసరాలు చెబుతున్నవి నీ ఊసులు..!
తలపు వనిని వాస్తవముగ బ్రతుకరాదు..కలనైనా..!
కలవరించు గుడి మెట్లకు జవాబసలు చెప్పుటెలా..?!
రాలి పడ్డ ఆకులాగ ఆడరాదు..కలనైనా..!
క్షణక్షణ మొక యుగముకన్న ఎక్కువగా ఉందికదా..!
ఈ మాధవ గజల్ లాగ నవ్వరాదు..కలనైనా..!
If you like to publish news or your story on our website, please email to editor 'at' deccanabroad.com.
