ఆదాయం లేని రాష్ట్రంలో ఇంత భారీ బడ్జెట్ సాధ్యమేనా: జగన్

ఏపీ బడ్జెట్ పై వైసీపీ అధినేత జగన్ తీవ్ర విమర్శలు చేశారు. సీఎం చంద్రబాబు చెబుతున్న లెక్కలు ఆశ్చర్యం కలిగిస్తున్నాయని అన్నారు. ఈ మేరకు ఆయన మీడియా సమావేశంలో వ్యాఖ్యానించారు. తాజా ఏపీ బ‌డ్జెట్ 1,56 000 కోట్లని చెబుతున్నారని అన్నారు. 2013-14లో ఉమ్మ‌డి ఏపీలో కూడా ఈ రేంజ్ లో బ‌డ్జెట్ ప్ర‌వేశ‌పెట్ట‌లేద‌న్నారు.

పెద్దగా ఆదాయం లేని రాష్ట్రంలో ఈ భారీ బ‌డ్జెట్ ఎలా సాధ్యమని ప్రశ్నించారు. చంద్ర‌బాబు ఏపీ అప్పుల్లోకి ముంచుతున్నారని ఆరోపించారు. 2016 డిసెంబ‌రు 31లోపు రాష్ట్ర పరిధికి మించి అప్పులు చేశార‌ని ఆరోపించారు. మూడు శాతం అప్పులు తెచ్చుకోవాల్సిన చోట 5 శాతం మేర అప్పులు తెస్తున్నారని విమర్శించారు. ఏపీ ప్ర‌భుత్వానికి ఉన్న 17 వేల కోట్లు రూపాయ‌ల‌ అప్పులను గురించి ప్ర‌భుత్వం ఎందుకు చెప్పడం లేద‌ని ప్రశ్నించారు.